【Alam Liyane】Crita Nyasar nang Jagad Aneh sing Sakiwa-tengene Jingga

Nang papan forum online Jepang, ana “pembicara utama” sing mulai nyritakake pengalaman aneh. Para peserta forum uga padha nyumbang pengalaman mistik sing padha dialami.

Aku ngerti panggonan sing rasane beda, suasanane aneh, pokoke panggonan sing nggilani, lan Aku tau nyasar mrana

• [3]Aku tau weruh wujud ireng sing kaya manungsa, nanging ora ana sing percaya amarga critane ora ana pungkasane
• [4]Aku tau weruh manuk putih gedhe sekitar 2 meter. Bar kuwi tak goleki, jebul ora ana manuk kaya ngono.
• [22]Sekitar jam 4 esuk, aku njut tangi, ngrungokake swara manuk gedhe sing ngepak-ngepakake swiwine nang jero kamar. Kedadeyan iki terus ana nganti 2 dina. Aku mikir iki kedadeyan mistik, dadi aku nyemprotake Fabreze sing jarene isa kanggo ngusir setan nang kamar, lan pungkasane mandeg.
• [29]Aku ngimpi lengen tengenku ilang, wiwit dina kuwi lengen tengenku pancen krasa ora kepenak
• [33]Sekitar jam 5 esuk aku tangi amarga ngimpi sing medeni. Aku ora mikirke apa-apa lan turu meneh. Dina kuwi simbahku mati, lan jebule wektu matine ya kira-kira jam 5 esuk
• [52]Ana wektu nalika aku tangi, bantal kebak rambut. Kesehatanku apik lan aku ora krasa elek, dadi aku mung resiki wae lan ora nglakoni apa-apa. Kurang luwih setaun, kedadeyan kuwi mandeg. Saiki yen tak pikir, aku nyesel ora nindakake apa-apa nalika kuwi.
• [56]Kira-kira 5 taun kepungkur, aku kecelakaan nang dalan tol lan mobilku ancur. Kanthi keajaiban aku ora tatu babar pisan, nanging langsung ana telpon. Jebule simbahku mati persis ing wektu sing padha karo wektu kecelakaanku. Apa simbahku dadi gantiku ya?

Para peserta forum sing kagugah karo pengalaman mistik kuwi, banjur pembicara utama uga miwiti nyritakake pengalaman aneh sing dialami.

Dadi, apa aku oleh crita pengalamanku nang donya paralel? Oleh ya? Oke, tak critakake

• [15]Cepetan critakna

Kabeh wong mesthi tau ngimpi mlebu nang omahe dhewe utawa panggonan sing wis dikenal, ning rasane beda… Apa kowe tau ngrasa aneh kaya ngono?

• [20]Adhi wadon sing ora ana ing kanyatan muncul nang impianku, lan nalika tangi, aku ora isa mandeg nangis. Kuwi impen sing ora isa tak lalekake.

Pembicara utama wiwit nyritakake pengalamane. Wayah prei musim panas ing Jepang, bocah-bocah SD sing dolanan ing kolam renang umum, iku kedadeyan sing lumrah.

Aku ya tau ngalami impen kaya ngono, nanging aku uga tau nyasar nang panggonan kaya ngono ing kanyatan. Kuwi kedadeyan nalika mulih saka kolam renang umum. Aku isih kelas lima SD, aku kelingan tenan. Kira-kira tanggal 20-an Juli. Aku melu kancaku menyang kolam (mung kanca sing biasane omong-omongan pas istirahat, dudu kanca sing tak jaga tekan gedhe). Aku langsung pisah karo dheweke sawise metu saka kolam. Nalika mulih, srengenge wis arep angslup lan sakiwa-tengene dadi jingga. Aku manggon nang daerah pinggir segara sing akeh pabrike, nanging rasane aneh. Ora ana angin, pancen ora aneh yen ora ana angin, nanging ora ana babar pisan, nganti medeni. Godhong-godhong wit nang pinggir dalan ora obah, banyu segara ora ana ombake, lan ora ana mega babar pisan. Kabeh panggonan jingga, sakiwa-tengene jingga kabeh. Biasane akeh mobil liwat, nanging saiki ora ana mobil siji-sijia. Malah ora ana tandha-tandha urip babar pisan. Nanging, toko lan lampu dalan, kabeh bangunan isih padha kaya asline, nanging kabeh sing liyane nggawe atiku krasa ora sreg. Rasane kaya kabeh sing ana ing kana rada geser saka asline. Aku tekan omah, nanging aneh, lawange ora isa dibukak. Dudu merga lawange ora isa dibukak, nanging kenope ora isa diubengake babar pisan. Kahanan kana medeni banget lan aku pengen cepet mulih, aku pengen main Nintendo 64, ning aku jelas wedi.

“64” kuwi jeneng konsol game “Nintendo 64” sing kondhang nalika kuwi, lan dadi hiburan kanggo bocah SD sawise mulih sekolah.

• [45]Nang langit-langit TK ana tapak sikil lan tapak tangan sing akeh banget. Saiki wis dibangun maneh lan wis ora ana.

Kenope dudu mung ora isa diubengake, nanging pancen ora isa diubah babar pisan. Yen kenope kaku, mestine ana swara kricik-kricik ta? Nanging ora ana swara apa-apa. Pancen ora bisa obah. Kaya donya sing wektune mandheg kajaba aku. Nanging segara isih obah. Aku ngrasa ora ana makhluk liyane kajaba aku. Mobil lan piranti kaya ngono ora ana ing garasi, dalan, utawa panggonan parkir. Ora ana angin, ora ana mega, kabeh mung jingga, jingga, lan jingga. Toko lan daerah pemukiman isih ana. Nanging jero toko ora katon babar pisan. Entah amarga pantulan cahya apa piye, nanging jendelane kabeh jingga. Nalika kuwi, lawang omahku mbukak dhewe. Ibuku metu lan langsung kabeh werna jingga ilang, sakiwa-tengene dadi peteng, lan rasa aneh kuwi kabeh ilang. Jebule ibuku kuwatir lan arep nggoleki aku. Wis lapor polisi barang, dadi aku diomel-omeli. Nanging aku mung nangis wae.

Crita pengalaman aneh saka pembicara utama narik kawigaten para peserta forum. Ing Jepang, akeh pengalaman mistik nalika isih cilik sing diceritakake ing internet, lan crita babagan “donya paralel” utawa “dimensi liya” iku sing paling narik kawigaten.